وبكره تشوفوا مصر

بس يا سيدي ومن يوم ما السيسي قال وبكره تشوفوا مصر وإحنا مبقناش نشوف غير الدم. قتلو الشباب وهتكو أعراض النساء وبقو يشوهو في صورة أي حد معارض للإنقلاب .. عصرالإعتقالات وتلفيق التهم بدون وجه حق رجع تاني . دول كمان قالو عليهم إرهابيين ومخطوفين ذهنياً وقالوا علي نساء رابعة بيمارسو جهاد النكاح وقالوا إن الميادين مليانة أسلحة وقنابل ويوم فض الإعتصامات ولا شوفنا أسلحة ولا قنابل ..تكونش نكتة ؟ دول كمان بقو يشوهو في ثورة 25 يناير ووصفو أهلها بالمرتزقة وقالو عليها إنها كانت مؤامرة وإنها كانت ثورة فوتوشوب ومبارك وعز خدو براءة وعملو تسجيلات مع مبارك والعادلي وقالو عليها إنفراد. ياريتهم إكتفو بكده وبس لا ده السيسي كمان فتح التحرير لمؤيدي الإنقلاب علشان يرقصو ويزيطو وأمر الداخلية بقتل المؤيدين .. ناس بترقص وناس بتموت .قالو علينا إحنا شعب وإنتو شعب بس إحنا أنضف شوية برغم إني ضد إن أي حد يفرق بين المصريين ..بقينا نشوف عدد لا نهائي من المنافقين والكتاب بقو خلاص ناقصين يبوسو علي رجل السيسي علشان يترشح للرئاسة. وعلي جمعة قال إضرب في المليان وإن الإخوان خوارج ومظهر شاهين أفتي بإن التعامل مع الإخوان والمحلات بتاعتهم حرام شرعاً.. بقي عندنا وزير داخلية بيراسل بلطجي والبلطجية بقو أشرف من في البلد والدكاترة والمهندسين والطلبة بقو إرهابيين.. السيسي قال أنا معنديش حاجة إسمها ببلاش وهنزرع خلايا لينا في الإعلام وقال علي أبو الفتوح متطرف .. قبضو علي بنات رافعة بلالين عليها إشارة رابعة والداخلية دخلت الأزهر .. جابو حكومة رئيسها عجوز وعينو رئيس مؤقت خيال مآتة ومتحدث عسكري جاذب للستات وكل ده وما زالت قصة إستحمار بعض طوائف الشعب مستمرة.

ها.. شوفتو مصر ولا لسه ؟