قائمة كتب 2013

هذه قائمة بأسماء الكتب التي قمت بقراءتها في عام 2013.

1- حبة هوا . وليد طاهر
2- قد نلتقي .. جهاد عبد الحميد
3- من قتل سلمي .. طارق حسن
4- شكلها باظت .. عمر طاهر
5- ن .. نورهان محمود
6- تلك هي الأرزاق .. الإمام محمد متولي الشعراوي
7- أنا وأبويا والميدان .. أحمد متاريك
8- الخميائي .. باولو كويلو
9- مسلمون لا يعرفون الهزيمة
10- من الحياة .. نوال بنت عبد الله
11- زوجي ما زال حبيبي .. سارة درويش
12- الأسود يليق بك .. أحلام مستغانمي
13- القرآن محاولة لفهم عصري .. مصطفي محمود
14- الكتاب الجديد .. علوي ناجح
15- كهل صغير السن .. عمرو صبحي
16- حوار بين مدرس ملحد وتلميذ مسلم
17- كراسي .. يوسف معاطي
18- قلبي يرتجف .. موسي صبري
19- بقية ضل .. هند القاضي
20- وحديكي .. أسامة العشري
21- ضع بصمتك... محمد العريفي
22- فن التعامل النبوي مع غير المسلمين .. راغب السرجاني
23- همسات قلب .. أمنية عزمي
24- رمضان الأخير .. راغب السرجاني
25- من أجل سلمي .. سامية أحمد
26- كيف تدعوا ملحدا .. أبي يوسف مدحت أبو الحسن
27- حوار مع مبشر .. أحمد ديدات
28- دواخل .. نورهان محمد
29- الجزار .. حسن الجندي
30- أما عجايب ( من الواقع المصري ) .. معتز الطاهر
31- أعراس آمنة .. إبراهيم نصر الله
32- أشواك .. سيد قطب
33- الميدان .. عبد الرحمن الأبنودي
34- كتاب مصر بين الدولة الإسلامية والدولة العلمانية
35- مع نفسي .. نورة عبد الفتاح
36- الموت في غزة .. محمد عبد الحكيم
37- ثورة 25 يناير وكسر حاجز الخوف .. محمد عمارة
38 - في ديسمبر تنتهي كل الأحلام .. أثير عبدالله

ليه الطلبة المصريين بيخافوا من الإمتحانات

الواحد قال يفك من جو المذاكرة شوية ويفتح فيس شوية لقيت الفيس متنشن ومشحون بالتوتر والقلق بسبب الإمتحانات والناس عمالة تقول يارب عديها علي خير ويارب إسترها وبيحسسوني إنهم داخلين حرب ويا قاتل يا مقتول. سألت نفسي هوه أنا والناس خايفين ليه كده من الإمتحانات من إحنا بقالنا 15 سنة بنمتحن ويمكن أكتر كمان وأدينا عايشين أهو مجرلناش حاجة .. طب لو حد مش مذاكر هنقول خايف علشان مش مذاكر إنما الغريبة إنك تلاقي اللي مذاكر خايف هوه كمان من الإمتحان .. بس أنا عرفت السبب .. عرفت إحنا بنخاف ليه من الإمتحانات .. لإننا أول ما دخلنا المدرسة علمونا مبدأ العقاب قبل ما يعلمونا مبدأ الثواب .. قالولنا إننا لو سقطنا في الإمتحانات العيال هيعملو علينا حفلة في الشارع زي ما بيقولوا وهيقولوا عليك فاشل وساعتها هيبقي شكلك وحش أوي .. علمونا نخاف من الفشل منسعاش للنجاح .. علمونا إن اللي بينجح في الإمتحان بيبقي الطالب الذكي وهوه اللي فاهم وإحنا اللي أغبية ومش فاهمين .. وعلشان أنا مش غبي وعلشان أنا عايز أنجح يبقي لازم أخاف من الإمتحانات .. السبب الحقيقي لخوفنا من الإمتحانات يتلخص في جملة واحدة .

لو لم أكن مصرياً مكنتش هخاف من الإمتحانات.

الشعب المصري بعد الثورة

ينقسم الشعب المصري بعد الثورة إلي خمس فئات :

1- فئة الأميين والجهلة ودول عارفين إنهم جهلة ومبتكلموش في حاجة وكافين خيرهم شرهم.
2- فئة الأميين والجهلة وده نوع تاني ودول معتقدين إنهم مش جهلة وبيتكلموا عمال ع بطال بدون علم ودول أخطر فئة علي الوطن.
3- فئة مثقفة ودول ملتزمين بمبادئهم طول الخط ومبيشربوش شاي بالياسمين.
4- فئة مثقفة بس دول منافقين وعارفين الحق فين بس ساكتين علشان ليهم مصالح مع النظام.
5- فئة العلماء وشيوخ السلاطين ودول إنتوا أكيد عارفينهم كويس مش محتاجة فكاكة يعني.

مطرة يا دنيا مطرة

تعرفي ياللي اسمك إيه النهاردة الدنيا مطرت عندنا لمدة أكتر من ساعة. طلعت في البلكونة عندنا تحت المطرة وكنت فرحان أووووي وفضلت أدعي ربنا بقي ليا ولكل الناس اللي بحبهم اللي إنتي منهم طبعاً :) .. وعلي رأي الإنقلابي عادل إمام إنتي كيس وأنا كيس :D ..دعوة ليكي ودعوة ليا.. وأقوله يارب اللهم إني أحببت عبداً من عبادك فاجعل لي فيه نصيب يارب .. أيوة أنا بحبك ياللي إسمك إيه وبتمناكي في الحلال وإنك تبقي مراتي نصيبي وأم عيالي .. ياااااه ده هيبقي أحلي نصيب في الدنيا ربنا كرمني بيه .. هوه حد يطول في الزمن المهبب اللي إحنا فيه ده دلوقتي  يتجوز اللي بيحبه .. ودعيتلك بقي وقولت ربنا يحفظك ويحرسك ويخليكي ليا ويوفقك في دراستك وتبقي من الناس الأوائل كده يا عثل .. آه من الأوائل طبعاً علشان يا إسمك إيه لو مبقتيش من الأوائل مش هتجوزك .. وكمان تكوني بتحبي القراية زي عنيكي ..  آه اللي أوله شرط أخره نور .. تعرفي كانت نص دعواتي لربنا ليكي إنتي بس يا قمر وكنت بسأل نفسي ليه أنا بدعيلك كتير كده .. أتاري اللي بيحب حد بيدعيله .. أنا بحب الشتاء أوي علشان المطرة .. أول بس ماسمع صوت دبة المطرة علي الأرض أجري أتوضي علشان أصلي وادعي ربنا ليا وليكي وأقوله يارب أنا بحب البت المجنونة دي اللي مش عارف بحبها ليه .. هوه من إمتي اللي بيحب حد بيعرف بيحبه ليه ؟ ..الحب ده ربنا بيزرعه في قلوبنا وإحنا ملناش دخل فيه .. بس مع الوقت يا إسمك إيه عرفت أنا بحبك ليه .. علشان لقيت فيكي جمال الدنيا اللي بحلم بيها .. علشان لقيت فيكي أم لأولادي بحنيتك وطيبتك .. علشان لقيت فيكي أبويا وأمي وأخويا وأختي وصديقي .. لقيت فيكي عيلتي.. علشان لقيت فيكي قول الله تعالي الطيبون للطيبات . علشان لقيت فيكي القلب الحنين اللي هيبقي جنبي دايماً وعمره ما هيتخلي عني مهما حصل .. علشان لقيت فيكي الإخلاص والوفاء . لما نتجوز يا إسمك إيه إن شاء الله ويبقي فيه مطرة هنتوضي وأصلي بيكي إمام .. أيوة ما أنا هبقي سي السيد بقي ;) . وأقوله يارب شكراً إنك رزقتني باللي بحبه وأشكره علي إستجابته لدعايا وأقوله البت اللي بحبها يارب قاعدة جنبي أهيه  وإنتي هتبقي ميتة علي نفسك من الضحك طبعاً :D .. هندفي بعض بحكايتَنا وإنتي هتفضلي ترغي ترغي ترغي لحد ما أزعق فيكي بقي وأقولك بس يا رغاية صدعتيلي دماغي :D .. هنخلي حياتنا كاملة بينا إحنا بس وبعيالنا إن شاء الله اللي هنربيهم أحسن تربية... لما نتجوز ويبقي فيه مطرة هننزل في الشارع تحت المطرة ونفضل نلعب مع بعض .. آه عادي .. الناس هيقولوا علينا مجانين يعني .. طب ما إيه يعني ما يقولوا ..أنا وإنتي أصلاً مجانين بحب بعض .. علي فكرة يا إسمك إيه إحنا مش هيبقي لينا دعوة بحد ولا هيهمنا كلام الناس .. طالما مش بنعمل حاجة تغضب ربنا يبقي هنعمل كل اللي نفسنا فيه .. هنعمل كل حاجة تخلينا  مبسوطين وفرحانين ومزقططين :D  ... أنا عارف إن إنتي كمان بتدعيلي دايماً لما السما بتمطر.. إنتي بتدعي في مكان وأنا بدعي في مكان تاني بس قلوبنا مع بعض .. بس أنا مستني يا حبيبتي اليوم اللي هندعي ربنا فيه مع بعض .. تعالي بقي يا اسمك إيه علشان نغني مع بعض مطرة يا دنيا مطرة .. مطرة وإتلاقوا الحبايب .. مطرة يا دنيا مطرة ولا عدش حد فينا غايب :) .. بحبك يا اسمك إيه :) 

الحرية لدكتور ياسر سليمان

منذ ما يقرب من عامين كنت قد قمت بمشاركة بوست في جروب قسم اللغة الألمانية لجامعة الأزهر والذي يشرف عليه دكتور ياسر سليمان. كنت أقول فيه أنني لا أفتخر بكوني أزهرياً. حينها قام دكتور ياسر سليمان بسبي بقول صعلوق يتحدث عن الأزهر ولا يدري مكانته. كنت قد قصدت حينها أنني لا أفتخر بكون الأزهر مؤسسة فاسدة والتي مثلها كباقي مؤسسات الدولة عانت من إستعمار سياسي لصالح الحاكم ولكن ربما قد خانتني كلماتي. حينها شعرت بالإهانة بسبب وصف الدكتور ياسر سليمان لي بهذا الوصف ولكنه حينما علم قصدي قام بالإعتذار لي. تعودت علي التسامح وسعة الصدر ولكن لم أتعود علي أن أنسي من أساءوا لي يوماً في حياتي.(يمكن علشان أنا حساس شويتين ) .. أحب الجميع وأحترمهم كما أحب أن أٌقابل بإحترام من الجميع سواء كان كبيراً أم صغيراً. لم يمض أكثر من عام إلا وقد قام دكتور ياسر بمشاركة مقال لي في نفس الجروب وقد قام بالكتابة أعلاه أخونا أيمن الأصغر سناً ولكنه كبير بمقامه وعلمه. بالطبع أنا لأ أرتقي لهذه المكانة وما زلت وسأظل في مرحلة طلب العلم .. شعرت أن بعضاً من كرامتي ردت إليً وحينها قلت في نفسي يا سبحان الله الجروب الذي أهانني فيه دكتور ياسر أكرمني فيه.

الشاهد من كل هذا أن الفساد الكامن في الأزهر الذي تحدثت عنه منذ عامين علاوة علي بطش الدولة في الوقت الحالي هو سبب في إعتقال دكتور ياسر سليمان من أمام بوابة الجامعة وكما قال شيخ الإسلام إبن تيمية لجلاده حينما طلب منه أن يسامحه والله لولاك ما ظلموا... فلولا شيخ الأزهر ورئيس جامعته ما ظٌلم دكتور ياسر !!

دكتور ياسر سليمان من أكثر الشخصيات خلقاً وأدباً وعلماً ومن الشخصيات التي دائما ما تجدها مملوءة بالحماسة. ودائما ما يكون طليق الوجه وأنا علي المستوي الشخصي أحبه وأقدره جداً ولا أنسي كلماته المحفزة لي ..أعتبره أخاً كبيراً ودائماً ما كنت أستشيره في بعض الأمور. لم يقم دكتور ياسر بالتدريس لي من قبل نظراً لتخرجه من قسم اللغة الألمانية وآدابها ولكنني دائماً ما كنت أشعر بأنه إبن من أبناء قسم الدراسات الإسلامية باللغة الألمانية.

كنت قد قابلته صباح اليوم الذي أٌعتقل فيه وسألني عن حالي بقوله إزيك يا أيمووون ( مبقاش كويس لو دكتور ياسر مقاليش يا أيمون ) :D .. كالعادة كان وجهه يحمل الإبتسامة متفائلاً لأقصي حد..  والله لا أعلم يا دكتور ياسر ماذا يمكن أن أفعله لك وأشعر بالخزي تجاه عجزي لعدم قدرتي علي مساعدتك  .. لا أملك حقاً سوي الدعاء لك بأن يخرجك الله من محنتك وأن يفك الله أسرك.


أخي أنت حرٌ وراء السدود ..... أخي أنت حرٌ بتلك القيود.
إذا كنت بالله مستعصما   .... فماذا يضيرك كيد العبيد
أخي ستبيد جيوش الظلام .. و يشرق في الكون فجر جديد.